Ново големо огромно градско дерби. Нова пеколска битка до последниот свиреж на судијата. Нов величенствен натпревар.
Манчестер Јунајтед е во подобра форма на последните неколку натпревари што е мала предност пред утрешниот натпревар. Манчестер Сити пак е нешто подобар на последните неколку меѓусебни средби. Утре тие ќе се борат за 5-тата по ред победа над својот градски ривал што ќе биде рекорд по оваа статистика. Иако Манчестер Јунајтед се убедливо подобри севкупно во меѓусебните дуели.
Утрешниот дуел ќе биде точно 170-то градско Манчестерско дерби. Од досегашните 169 натпревари Манчестер Јунајтед има добиено 69, 51 натпревар завршил без победник и 49 пати се радувале играчите на Манчестер Сити.
Во Премиер Лигата пак досега се одиграле точно 35 натпревари помеѓу овие два тима. Црвените ѓаволи се радувале 18 пати, 6 натпревари завршиле без победник и 11 пати се радувале популарните ,,граѓани".
Најголемата победа на Јунајтед над Сити е со резултат 5-0. Овој натпревар се одиграл на 10 Ноември 1994 година. Најголемата побреда на Сити пак над Јунајтед е со резултат 6-1 и 5-0 и тоа на неколку пати. Меѓу кои можеме да го издвоиме оној од 23 Октомври 2011 кои се одигра на Олд Трафорд и заврши со резултат 1-6. На овој сите се сеќаваме и се надеваме дека нема да се повтори. Овој натпревар воедно е и најголемата победа на Сити над Јунајтед на Олд Трафорд.
Првиот меѓусебен натпревар се одиграл на 3 Октомври 1891 во рамките на Фа Купот и завршил со победа на Манчестер Јунајтед од 1-5. Последниот пак меѓусебен натпревар се одигра на 2 Ноември минатата година и заврши со победа на Сити од 1-0.
Како што истакна Ван Гал на денешната прес-конференција тој нема да може да смета на Андреас Переира поради обврски со репрезентацијата, Робин Ван Перси и Лук Шо поради повреди. Другите би требало да се спремни освен ако не се повредил некој меѓувреме.
Можен состав:
Де Геа, Валенсија, Џонс, Смолинг, Блинд, Херера, Мата, Фелаини, Јанг, Руни, Фалкао
Стадион: Олд Трафорд
Судија: Марк Клатенбург
Натпреварот е закажан за 12 Април 2015 за 17:00 часот по македонско време
No comments:
Post a Comment