Најава: Евертон-Манчестер Јунајтед

 

Нов натпревар е закажан за денес, овој пат нашиот тим гостува на Гудисон Парк кај тимот на Евертон.

Досега се одиграле точно 192 натпревари помеѓу овие два тима. Манчестер Јунајтед е нешто по успешен во овие дуели со 82 победи, Евертон има 68 победи и 42 натпревари завршиле без победник. 

Ситоацијата на меѓусебните дуели во рамките на Премиер Лигата е убедлива во полза на Манчестер Јунајтед. Од 45 одиграни средби дури 31 победа имаа црвените ѓаволи, 7 победи има Евертон и исто толку натпревари завршиле нерешено.

Првиот меѓусебен дуел помеѓу овие два противника се одиграл на 24 Септември 1892 на Гудисон Парк и завршил со убедлива победа на тимот од Ливерпул со резултат 6-0. Последниот пак меѓусебен натшревар се одигра на 5 Октомври 2014 на Олд Трафорд и заврши со победа на Манчестер Јунајтед од 2-1.

Најголемата победа на Манчестер Јунајтед над Евертон е со резултат од 5-0. Овој натпревар се одиграл на 30 Април 1960 година во рамките на Втората Англиска девизија на Олд Трафорд. Во обратниот случај тоа е веќе споменатата победа со резултат 6-0.

Што се однесува до составот. Нашиот тим денес ќе биде без Рафаел, Рохо, Џонс и Керик, а неизвесен е и Блинд.

Можен состав:

Де Геа, Валенсија, Смолинг, Мек Неир, Шо, Фелаини, Мата, Руни, Херера, Ди Марија, Ван Перси

Стадион: Гудисон Парк

Судија: Андре Маринер

Натпреварот е закажан за 26 Април 2015 за 14:30 часот по македонско време