Најава: Манчестер Јунајтед-Арсенал

 

Повторно натпревар од Фа Купот, но овој пат противникот е многу помоќен од Кембриџ и Јеовил. Овој пат противникот е големиот Арсенал. 

Целта на Ван Гал е веќе позната освојување на Фа Купот и пласман во Лига на Шампиони. И во двете цели на патот му стои Арсен Венгер и неговиот Арсенал. Може во второто индиректно, но за Фа Купот одлучува директна средба која ќе се одигра утре.

Досега се одиграле точно 220 натпревари помеѓу овие два тима. Манчестер Јунајтед се има радувано 95 пати, 79 пати се радувале ,,топчиите" и 46 натпревари завршиле без победник.

Во рамките на Фа Купот пак се имаат одиграно 14 натпревари од кои 7 завршиле со победа на Манчестер Јунајтед, 2 завршиле нерешено( од кои едната Арсенал ја добиле на пенали) и 5 наатпревари завршиле со победа на Арсенал. 

Првиот меѓусебен дуел помеѓу овие два тима се одиграл на 13 Октомври 1894 и завршил со резултат 3-3. Првиот наптревар помеѓу овие два тима на Олд Трафорд пак се одиграл на 26 Декмври 1910 и завршил со победа на Манчестер Јунајтед со резултат 5-0.

Последниот натпревар помеѓу овие два тима се одигра на 22 Ноември 2014 и заврши со победа на Манчестер Јунајтед со резулат 2-1.

 Најголемата победа на Арсенал над Манчестер Јунајтед е со резултат 6-1 на Емирати, а нa најголемата победа на Манчестер Јунајтед над Арсенал сите се сеќаваме, односно тоа е оној натпревар одигран на 28 Август 2011 година кога ,,црвените ѓаволи" славеа на ,,Олд Tрафорд" со резултат 8-2. 

Што се однесува до составите Ван Гал ќе нема да може да смета на суспендираниот Џони Еванс, повредените Робин Ван Перси и Џејмс Вилсон. Останатите играчи би требало да се во конкуренција за овој натпревар.

Можен состав:

 Де Геа, Рафаел, Џонс, Рохо, Шо, Ди Марија, Мата, Херера, Фелаини, Руни, Фалкао

Стадион: Олд Трафорд

Судија: Мајкл Оливер

Натпреварот е закажан за 9 март 2015 за 20:45 часот по македонско време