Манчестер Сити 1-0 Манчестер Јунајтед

За жал овој натпревар не помина како што ние фановите на Манчестер Јунајтед очекувавме. Не дека нашите играчи  беа толку лоши или нешто сл. едноставно денес среќата не не служеше.

Натпреварот течеше нормално некоја шанса повеќе имаа играчите на Манчестер Сити, но поседот го контролираа гостите се до 39-тата минута кога Крис Смолинг го направи би рекол вториот негов глуп старт на натпреварот, со што судијата Мајкл Оливер му го покажа вториот жолт картон што значеше крај на натпреварот за него.

Исклучувањето на Крис Смолинг

Разбирливо со самото негово излегување остави дупка во одбраната, Луис Ван Гал се обиде таа дупка да ја пополни со Мајкл Керик, кој влезе на местото на Аднан Јанузај, но се чувствуваше недостатокот.

Нападите на ,,граѓаните'' беа се почести, но Манчестер Јунајтед им се спротиставуваа на нападите. Црвените Ѓаволи продолжија да се држат се до 56-тата минута кога Маркос Рохо го повреди рамото, со што беше принуден да го напушти натпреварот, на негово место влезе Пол МекНеир. Но веднаш потоа се почувствува одсуството на Смолинг и Рохо. Во 63-тата минута Клиши успеа да искористи едно невнимание во одбраната на гостите и успеа да ја упати топката кон Серхио Агуеро кој не беше добро чуван и успеа да ја смести топката во мрежата на Де Геа.

Голот на Агуеро

Понатаму темпото го диктираа гостите но не успеја да стигнат до изедначување, најдобрата шанса за такво нешто ја имаа Руни и Ди Марија кои за жал не ја искористија.

Ова е трет овосезонски пораз за Манчестер Јунајтед. По овој пораз Манчестер Јунајтед е на 10-тата позиција на табелата со освоени 13-бода, додека тимот на Манчестер Сити е 3-ти со 20 бода.

Состав на Манчестер Јунајтед: Де Геа, Валенсија, Смолинг, Рохо, Шо, Блинд, Фелаини, Ди Марија, Руни, Јанузај, Ван Перси
Резерви:
Линдегард, МекНеир, Керик, Флечер, Херера, Мата, Вилсон